Frederik Petersen Timersullammanngorpoq

llulissani timersullammammik toqqaaneq arfininngornermi unnukkut aliikkusersuinertut ingerlanneqarpoq.
Allattoq Noah Mølgaard
januaarip 20-at 2013 14:13

Frederip Petersenip arpannermi tamatigoortuunini 2012-mi takutippaa taamalu Ilulissani timersullammattut toqqarneqarluni.

Sumiissusersiorluni arpannermi nunatsinni pissartanngorpoq arpannernilu allani angusarissaartarluni. World eskimo inuit olympics Alaskami ingerlanneqarmat nunarput sinnerlugu 5.000 meterimut arpannermi sølvinnappoq aammalu sisoraatinik oqilaniunnermi pikkorissutut ilisimaneqarluni.

Siulersuillammammut nersornaat Nukappi Nathanielsenimut tunniunneqarpoq ukiorpanni timersoqatigiiffimmi I-69-mi sulilluarsimanini pillugu. Aammattaaq I-69-imeersoq Bent Petersen sungiusaallammattut toqqarneqarpoq. Taanna arnanut nuna tamakkerlugu sungiusaasuuvoq siorna Arctic Winter Gamesimi ujaminnatitseqataalluni.

Arnat arsaattartut I-69 ukiup iligiivisut toqqarneqarpoq siorna GM-mi sølvinnareerlutik aammalu illup iluani arsaannermi pissartanngoreerlutik.

Arctic Winter Gamesimi aamma nunatsinni pissartanngorniunnermi takutitsilluarneq tunngavioqataapput arsaattartut Aqqaluuti Jensen piukkunnaateqartutut toqqarneqarmat.

Timersullammammik toqqaaneq naggaserlugu qittannersuaqarpoq rockimik nipilersortartut HEJ nipilersortoralugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq