Frederik Petersen KNI-mit aningaasatigut tapersorneqalersoq

Frederik Petersen sisoraatinik ujakkaartartuuvoq pikkorissoq Nunatsinni pissartanngorniunnerni Arctic Circle Racemilu peqataasarnermini angusarissaartartoq.

Frederik Petersen aqqusinikkut nunakkullu arpannermik aallutaqartuuvoq, angusarissaarluartarlunilu, soorlu Aasianni unnuakkut Marathonimi, Ilulissat eqqaanni Kangia Racemi sumiissusersiorluni arpannermi peqataasarsimavoq.

Timersortartumut isumaqatigiissut ukiuni marlunni atuutissaaq. Isumaqatigiissut naapertorlugu Frederik Petersen sisoraatinik, timersornermi atisanik, akiliunneqarluni angalanernut aningaasanillu tunineqartassaaq.
Isumaqatigiissut aamma imaqarpoq, peqataaffigisamini angusarissaaraangami aningaasaliiffigineqarnerusinnaassalluni.

KNI A/S taama tusagassiuutinut nalunaaruteqarpoq.