Frederik Olsen Pilersuisumi ingerlatanut pisortanngussaaq

Pilersuisoq-imi kædedirektør, Lars Behrend, Danmarkimut uterniarluni aalajangersimammat, KNI A/S-imi qullersat aalajangersimapput suliffeqarfissuarmi sulisoqarnikkut inerisaanermi aamma tusagassiisarnikkut pisortaq, Frederik Olsen Pilersuisumi ingerlatanut pisortanngussasoq.
Allattoq Lotte Holm
marsip 11-at 2009 08:43

Frederik Olsen-ip takutereersimavaa nunaqarfinni avinngarusimasunilu pisiniarfinnut pisortaasimanermini ingerlatseriaaseqarnikkut ineriartortitsisinnaaneq pikkoriffigalugulu piumasseseqarfigigini, maannalu pisiniarfitsigut ingerlatsivik Pilersuisoq tamaat aquttussanngorpaa.

Pilersuisup sumiiffinni ersarinnerusumik akuunerunnissaa anguniarneqassaaq, minnerunngitsumillu atuisut aamma suleqatigisartakkanut attaveqarneq pitsanngorsarusunneqarpoq.

Pilersuisumi sulisut akisussaaqataanerulernissartik naatsorsuutitgisinnaavaat, ammasumik eqqartorneqartassapput sutigut isumalluarfigineqarnerlutik. Ineriartornermi periarfissat aammali ulluinnarni ingerlatsinermi suut mianersorfigineqartariaqarnersut ammanerusumik eqqartorneqartassapput,

nassuerutigisariaqarmammi niuerniarfitta ilai inukilliartormata. Akilersinnaasumik ingerlatsinerup killissai nassaariniartuassavagut, iluanaarutaanngitsumillu ingerlatat nalimmassaaffigineqartassallutik,

kiffartuussinissamut isumaqatigiissutit iluanni, Søren Lennert Mortensen taama allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq