Frederik Elsner inersimasut qinngasaaruttarnerat pillugu erinarsuummik saqqummersitsisoq

Erinarsortartoq nipilersortartorlu Frederik Elsner erinarsuummik nutaamik nakkarsagaasarnermut tunngasumik saqqummersitsivoq. Taallap imaa nammineq misiginikuusaminut tunngassuteqartoq oqaatigaa.

- Qinngasaartissimagaanni assigiinngitsunit inuppassuarnit angerlarluni aatsaat qasunarsisarpoq, tassunga tunnganeruvoq tamakku eqqarsaatigivallaarnagit ingerlaqqinnissaq, Frederik Elsner taama oqarpoq.

Erinarsuut "Suli inuusoqigavit" pingasunngornermi decemberip 27-anni attaveqaqatigiittarfikkut Facebookikkut Youtubekkullu saqqummersinneqarpoq.

Frederik Elsnerip inuusuttuaraanermini Danmarkimi ilinniartilluni misigisani tunngavigalugit  erinarsuut "Suli Inuusoqigavit" taalliaraa.

 - Handelsskolemi atuarlunga qinngasaartittarnikuugama immaqa inuusuppallaariarama nipaallungalu, taava allatut isigineqarlunga taamaammat una misigisimavara annittariaqarlugu, Erinarsiortartoq taama oqarpoq.

Erinarsuutip musikvideoani oqaluttuarineqarpoq ilinniartitsisoq suleqatiminit atuartunillu nakkarsarneqartoq, kinaassutsinilu toqqorterniarlugu akuerineqarnissarlu anguniarlugu iliuuserisai takutinneqarput.

AAMMA ATUARUK Kalaallit Danmarkimiittut meerartaat qinngasaarneqartarneri iliuuseqarfigineqarli

Frederik Elsnerip nipilersortartutut atuarfiit, utoqqaat illui suliffeqarfiillu allat appisimaarfigisarpai. Tassani inersimasut akornanni aamma nakkarsaasoqartartoq maluginiarsimavaa.

 - Inersimasuni malugisarnikuuara qinngasaarisarnerit sakkortulaarsinnaasut, ilaasalu sakkortuumik itisuumillu tigusarpaat, taava malugisinnaallugu arlaannik allanngueqataarusullunga, Erinarsortartoq KNR-imut taama oqarpoq.

AAMMA ATUARUK Mobning har store konsekvenser

Nakkarsaasarnermut pinaveersaartitsinerit meeqqanut kisimi atuutsinneqassanngitsut, Frederik Elsner isumaqarpoq.

- Takusarpara meeqqanut qinngasaarisarnerit kampagneqartartut kisianni aamma isumaqarpunga inuusuttuaqqanut inersimasunullu sanasoqartariaqartoq, Erinarsortartoq Frederik Elsner KNR-imut taama oqarpoq.

F - Suli Inuusoqigavit

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!