Franskit tusagassiorfiini Kalaallit Nunaat soqutigineqarluartoq

Franskit præsidenterisimasaata Francois Mitterand-ip siunnersortaa Jacques Attali franskit aviisianni L´Express-imi Kalaallit Nunaat pillugu isummersuummik allaaserisaqarnerata kingorna, franskit tusagassiorfii Kalaallit Nunaat pillugu ulluni makkunani soqutiginninnerat annertusivoq.
Allattoq Jaaku Lyberth
decembarip 18-at 2008 17:38

Aviisimi allaaserinnittoq tassaavoq atuakkiortoq Jacques Attali. Taassumap allaaserisamini oqaluttuaraa Kalaallit Nunaata, Amerikap Europallu akornannniittup ineriartornera, Danmarkimut attaveqarneq, minnerunngitsumillu silap pissusaata allanngoriartornera nukissiuutillu siunissami ineriartortineqarnerannut apeqqutit allaaserisami pingaarnerutinneqarlutik.

Franskit naalagaaffiata TV-ikkut aallakaatitsisarfianni France (sang) 5-imimi Kalaallit Nunaat pillugu akunnermik ataatsimik sivisussusilimmik aallakaatitsisoqarpoq, taanna aallakaatinneqarpoq sapaatip akunnerata uumap aallartisimanerani.

TV-ikkut aallakaatitsinermi peqataapput naalakkersuisut siulittaasuat Hans Enoksen, Inuit Ataqatigiit siulittaasuat Kuupik Kleist, danskit nunanut allanut ministeriat Per Stig Møller aammalu amerikamiut danmarkimi ambassadøriat James P Cain.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq