Franskit sakkutuui aqutsisuussapput

aggustip 15-at 2006 10:53

Naalagaaffiit Peqatigiit Libanonimi sakkutuuliilerpata franskit aqutsisuunissaat ilimagineqarpoq. Franskit nunanut allanut ministeriat ullup ingerlanerani Beirutimut tikissaaq sakkutuuliinermi piumasarisat eqqartoriartorlugit.

Israelimiut nunanut allanut ministeriata Naalagaaffit Peqatigiit qullersaat Kofi Annan New Yorkimi aqagu ataatsimeeqatigissagaa israelimiut nunanut allanut ministereqarfianit nalunaarutigineqarpoq. Sakkuaakkunnaarnermi isumaqatigiissut ataatsimeeqatigiinnermi eqqartorneqassaaq.

Franskit Libanonip kujasinnerusortaani sakkutuuliinnginnerminni hizbollah-kkut sakkuiarneqarnissaat qulakkeerusuppaat.

Libanonimi umiarsualiviit mittarfiillu ammaqqissinnaanissaat franskit nunanut allanut ministeriata ataatsimiinnermi ilanngullugu eqqartorniarpaa.

Naalagaaffiit Peqatigiit sakkutuuliussassaat 15.000-t Libanonip kujasinnerusortaani israelimiunik hizbollah-kkunillu eqqissisimatitsiniassapput eqqissisimatitsiniarnermilu libanonimiut sakkutuui ikiortigineqassapput.