Franskit præsidenterisimasaat Jacques Chirac toquvoq
Franskit præsidenterisimasaat Jacques Chirac toqukkut qimaguppoq. Præsidentiusimasup ilaqutai franskit nutaarsiassaqartitsivianut AFP-mut taama ilisimatitsipput.
Jacques Chirac 86-inik ukioqarluni qimaguppoq.
- Jacques Chirac ilaquttaminit ullaaq manna najorneqarluni eqqissivoq, ningaava, Frederic Salat-Baroux nutaarsiassaqartitsivimmut oqarpoq.
Chirac Frankrigimi 1995-imit 2007-imut præsidentiusimavoq.
Franskit præsidenterisimasaata USA-p Irakimut 2003-mi sorsunnera ammasumik isornartorsiornikuuvaa aammattaaq tuluit pillugit ima oqarnikuulluni “inuit taama igaffilutsigisut upperineqarsinnaanngillat”.
Chiracilli suna politikkerineraa ersarinnginneruvoq. Taanna siusinnerusukkut præsidentiunermini inuttut tatigiuminaatsutut nikeriarsinnaanngitsutullu taagorneqartarsimavoq.
Tassa konservativinit politikeri piffiup ilaani EU-mut isorniartuuvoq, taamaariarlunili euromut tunngatillugu illersuinerpaat ilaanniilerluni.