Franskit politiivisa Parisimi tupermiuullutik nunasisut qimagutitikkaat
Franskit politiivisa Parisip qeqqani tupermiuullutik nunasisut gassimik qulliliornartunik ataasinngornermi unnukkut qimagutitippaat.
Illoqannginnersami tusaamasami la Républiquemi inuit kajumissutsiminnik suliniuteqartut toqqit 500-it missaat tungujortumik qalipaatillit napparmatigit nunasisunit ingammik Afghanistanimeersunit ulikkaapallanneqarput.
Nalunaaquttap akunnera ataaseq missiliorlugu qaangiummat politiit takkupput toqqillu piiaarlugit, taakkua ilaat suli inoqartut.
Nunasisut tupermiut sinneri qimagutsinniarlugit politiit gassit qulliliornartut atortariaqarsimavaat, nunasisullu taakkua Parisimi aqqusinernut qimaasariaqarsmallutik.
Nunasisut qimagussuutsinneqarput, nunasisullu allat 2000-t missaat Parisip avannaanni Saint-Denisimittut sapaatit akunnerat ataaseq qaangiummat nuutsinneqarmata allamullu inissinneqaratik.
Politiit iliuuserisimasaat arlalinnit isornartorsiorneqarpoq.
Frankrigip nunamut namminermut ministeriata Gérald Darmaninip nunasisut qimagussortinneqarnerat quarsaarnartutut taavaa, nunasisullu qimagussortinneqarnerannut politiit nalunaarusioqqullugit peqqusimallugit.
