Politiit peqatigiiffiata, France Policep franskit politiivisa akornanni pissutsit alianartorujussuunerarpaat.Assi: Actu Secours/Flickr Creative Commons

Franskit politiivisa imminut toqunnerpassuit akiorniarsarigaat

Frankrigimi parisimi politiit sulinerminni atukkatik pillugit isummaminnik ippassaq nittarsassipput.

Politiit napertorlugit atukkat sakkortungaarmata politiit akornanni imminut toqquttarneq ajornartorsiutaalersimasoq, dr.dk allaaserisaqarpoq.

Frankrigimi politiit ukiormanna januarimit 51-it imminut toqussimapput. Nunamut namminermut ministereqarfiup paasissutissaatai naapertorlugit politiit 2018-imi 35-t imminut toqussimapput.

- Tamanna nuna tamakkerlugu politiinut ajunaarutaasoq, politiit kattuffiannit oqaaseqartartoq, politikommissæri Eric Roman DR-mut oqarpoq.

AAMMA ATUARUK Frankrigimi politiit ukiortaamit imminut toquttut amerliartortut

Kattuffik naapertorlugu politiit isumalluutaasinnaasut killeqarput sulinerminnilu qaangiuttoorujussuartarlutik tamatumalu malitsigisaanik politiit akornanni imminut toqquttarneq atugaasoq politiit kattuffiannit ilisimatitsissutigineqarpoq.

Frankrigimimi sungaartunik vestillit akerliussutsimik takutitsineranni politiit sulerulussimapput.

Ikiorneqarnissamik pisariaqartitsivit?
Tusaannga – tlf. 801180, sms 1899
Tusaannga ullut tamaasa nal. 16.00-imiit 22-00 tungaanut ammasarpoq, attaveqarnerlu akeqarani kinaassutsimik isertuussisuulluni. Meeqqat, inuusuttut, inersimasullu tamarmik oqaloqateqarnissamik, allaqateqarnissamilluunniit pisariaqartitsisut Tusaannga attavigisinnaavaat. Ajornartorsiutit annikikkaluarunik annertuppataluunniit siunnersuisartut ikiuinissamut piareersimapput. Najoqqutarisaq: Peqqik.gl

Oqarasuaat ikiuigasuarnissamut saaffissaq pilersinneqarpoq, politiillu sulisarnerat allanngortinneqarlunilu ullut arlerlugit freersinnaanngorlutik, Nunamut namminermut minister Christophe Castaner oqarpoq.

Tamannali politiiit kattuffianni ilalerneqanngilaq naammagineqaranilu.

Politiillu Parisimi ullumi akerliussutsumik takutitsillutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat