Franskit nerisassioriaasiat eriagisassanngortinneqalerpoq
Nunarsuatsinni eriagisassat pineqaraagata pinngortitaq, illorsuit nutaanngitsut eqqaassutissiallu allattugaatigineqartarput, maanna aamma franskit nerisassassioriaasiat eriagisassatut pineqalerpoq.
Allattoq Apollo Jeremiassen
Franskit nerisassioriaasiat "nalliuttorsiorfinni pingaarutilinni inunnik ataatsimuulersitsisartoq tamannalu kikkunnit tamanit ilitsoqqussaasoq" Unescomit innersuussinermut tunngavilersuutigineqarpoq.
- Nerilluarneq, imerluarneq, kusanartunik nerineq naapisimaarnerlu franskit nuannarisorujussuuaat. Franskit ileqqoraat inuulluataarnissaq, franskit Unescomi aallartitaat, Cathrine Colonna Radio France Internationalimut oqarpoq.