Franskit naammagittaalliorput

Franskit Issittumi Siunnersuisoqatigiinni peqataannermut aallartitaat, maanna naammagittaalliuteqarput iluamik sunniuteqaqataassinnannginnertik pissutigalugu. Naammagittaalliortunuttaaq ilaapput, nunat allat soorlu aamma Kina naammagittaalliortunut ilaasoq.
Allattoq Nûno Isbosethsen
maajip 12-at 2011 15:35

Nunat taakku sunniuteqarsinnaannginnertik pillugu, eqqarsaateqarput Issittup siunnersuisoqatigiivisa avataatigut isumaqatiginninniarsinnaannermik anguniagaqarniarlutik, franskit aallartitaasa siuttuat Michel Rochard oqarpoq.

Michel Rochardimit oqaatigineqarpoq, Issittumi Siunnersuisoqatigiit nunat allat siunnersuutaanik, oqaloqatiginninnissaminnillu matoqqavallaartut. Oqaatigalugulu, nunat allat isumaqatiginninniarfiginissaat atorfissaqartinneqartussaagaluit, atorumaneqanngitsut, soorlu aamma Franskit ilisimasaat atorluarneqarsinnaagaluit atorumaneqanngitsut.

Michel Rochard isumaqarpoq, taamaallaat issittumi najugallit, Issittumilu Siunnersuisoqatigiinni ilaasortaasut, oqaasissaqartinneqartut. Nunammi allat aamma piffissanngorsoraa, atorluarneqarsinnaanissaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq