Franskit tamarmik Brigitte Bardot-itulli pusit amiisa atorneqarnertarnerat pillugu isummerneq ajorput. Franskit puisinniartarneq immamilu miluumasut piniarneqartarnerannut isummertarnerat oqimaaqatigiissorujussuuvoq, franskit danmark-imi aallartitaat ambassadør Anne Gazeau-Secret apersorneqarluni taamak oqarpoq.
Piniartutut piniarsinnaatitaanersi paasisinnaalluarunarparput, piniartullu piniartutut inuussutissarsioqateqarnerat illersorsinnaatitaavarsi, franskit ambassadøriat oqarpoq.
Erseqqissarlugulu Frankrig-ip kalaallillu nunaata peqatigiillutik immami piniagassat pissassiissutineqartarnerat killissarititaasullu pillugit oqallinnissaat pingaaruteqarmat. Nungusaataanngitsumik ineriartortitsinerup isumaanut apeqqut isumaqatigiissutigineqartariaqarpoq, Anne Gazeau-Secret oqarpoq, uanilu arfanniartarneq innersuussutigalugu. Apeqqutip tamassumap oqallisigineqarnissaa franskit naalakkersuisuisa ammaffigisorujussuussavaat, kalaallimmi nunaannut tamanna pingaaruteqarmat, Ambassadøri oqarpoq.