Franskeq umiartortoq nakuuserfigineqartoq
Franskit umiartortut ilaat, sorsuussuarmut Nuummiittumut inuttaasoq, sapaatip akunnerata naanerani niaqqumigut ikilerneqarnermi kingornagut nakorsiartarfiliartariaqarsimavoq. Nuummi politiiniit Bent Heiselberg taama nalunaarpoq.
Allattoq Louise M. Kleemann
Sakkutooq umiartortoq 25-nik ukiulik sorsuummi Tourville-mi, sapaatip akunnerata naanerani Nuummi taleqqasumi inuttaasoq, arfininngornerup unnuaani illoqarfiup qeqqaniitilluni nakuuserfigineqarpoq.
Politiit qanorpiaq pisoqarsimanersoq ilisimanngilaat, nakuusertutulli ilimatsaanneqartoq 29-nik ukiulik, politiinit ilisimaneqareersoq oqaatigineqarpoq.
Franskit sorsuutaat Tourville tallimanngormat Nuummi umiarsualivimmut talippoq sapaatiummallu aallaqqilluni.