Franskeq tusagassiortoq Kinamut tikeqqusaajunnaarsinnaavoq
Tamassumunnga pissutaavoq franskit atuagassiaanni, L'Obsimi allaaserisaq, Ursula Gauthierimit allanneqarsimasoq, 'pinerliinianik nersorinninnertut' Kinami oqartussanit isumaqarfigineqarmat.
Utoqqatsequneqarpoq
Arnarli taanna tusagassiortoq Kinamit maannakkorpiaq anisitaassanngikkuni periarfissinneqarpoq utoqqatsernissaanik, nunanut allanut ministeriaqarfik taama allappoq.
Ministeriaqarfimmi oqartussat isumaqarput, allaaserisaq Kinami inuppassuarnik kamaatigineqartoq.
- Pinerliinianik nersorinninnerit Kinamit tapersersorneqalernavianngillat, oqartussat allapput.
Kinamiut tamanna paasisinnaanngilaat
Tusagassiarli Kinami saqqummersinneqanngitsoq Kinamiusullu allanneqarsimanngitsoq aamma nittartakkatigut atuarneqarsinnaanngitsoq Kinamiunillu ikittuaraannarnit atuarneqarsimasoq, inuiaqatigiinnit eqqumiigineqarpoq, soorlu tusagassiortup Kinamut tikeqqusaajunnaarnissaa paatsugassutigineqarluni.
Nittartakkatigut allaaserisat tamarluinnarmik Kinami oqartussanit misissoqqissaarneqartarput, isornartoqaraagallu taakku ilanngunneqassanatik.
