Franskeq ilisimasassarsiortoq qerussulersoq annaassimavaat
Franskit ilisimasassarsiortut ilaat qerussuleraluartoq Mestersvigimi Silasiorfimmi sulisut arfininngormat annaanniartariaqarsimavaat.
apriilip 23-at 2009 13:42
Ilisimasassarsiortut tamarmik qaqqani Staunings Alpe-niitillutik franskeq qerussulermat arfininngormat unnukkut ikiortissarsiortariaqarsimapput.
Mestersvigimi Silasiorfimmi sulisut qulimiguulimmik aallartitsisariaqarsimapput, ilisimasassarsiortullu qaqqap Tårnfjeldip naqqani nassaarineqarput.
Franskeq ilisimassarsiortuni peqataasoq isikkamigut saamerlikkut annikitsumik qerussuleraluarsimavoq, tuaviortumillu passunneqartariaqarsimalluni.
Ilisimasassarsiortunut allanut peqataasoq Ilisimatuutut misissuiffiup Summit Campip eqqaani qiuleqisoq qerussorsimasorlu sermersuarmiit annaanneqartariaqarsimavoq, ullualunnguillu tassa qaangiutiinnartut arfininngormat annaassiniartoqaqqittariaqarsimavoq.
