Frankrigip præsidentiata Emmanuel Macronip Kalaallit Nunaat juunip 15-iani tikeraassavaa.

Qallunaat ministeriunerat Mette Frederiksen (S) Demokraatillu siulittaasuat Jens-Frederik Nielsen (D) peaqataassapputtaaq.

Taamak Naalakkersuisut tusagassiutinut nalunaaruteqarnerminni aamma qallunaat naalakkersuisui allapput.

Taakku naalakkaersuisuni siulittaasut pingasut “ilaatigut Atlantip Avannaani Issittumilu isumannaallisaaneq ukkatariniarpaat”. Kisianni aamma aningaasaqarnikkut ineriartorneq, silap pissusiata allanngoriartornera nukissiuutillu oqaloqatigiissutigissagaat allaqqavoq.

- Nunat assigiinngitsut akornanniit Kalaallit Nunaannut tapersersuinerujussuaq, kunngeqaqrfimmiillu nunanut allanut politikkikkut qaammatini kingullerni pissutsit ilingersunartut misigalugit killitsinnarpoq. 

- Præsident Macronip Kalaallit Nunaannut tikeraarnera, europamiut ataatsimoornerannik nalunaajaataalluinnartoq, Mette Frederiksen tusagassiortunik katersortitsinermi oqarpoq.

Vivian Motzfeldtimiit qaaqqusissut

Sermitsiap Macronip tikeraassamaarnera pillugu sapaatip-akunnerata aallartilaarnerani paasisaqarfigaa.

Præsident Trumpi Præsidentip Illorsuanut uteqqikkamili, naalagaaffimmut nunallu assigiinngitsut akornanni isumannaallisaanissaq pillugu Kalaallit Nunaat aqulewrusullugu arlaleriarluni oqaatigisarpaa.

Tamanna qallunaaniit kalaalliniillu akerlilerneqarnikuuvoq.

Frankrigip tapersersuinini takuteqattaartarpaa, USA-llu kimigiisernera akiorniarlugu, Danmarki qinnuiginnissappat, Kalaallit Nunaannut sakkutuuliinissaminut piareersimavoq.