Parisimi akerliussutsimik takutitsillutik ingerlaaqatigiittoqarnissaa ernummatigineqarpoq, betjentillu 6000-it tamatumunnga piareersimatinneqarlutik.Assi: Clement Mahoudeau/AFP/Ritzau Scanpix

Frankrigimi soraarnerusutisianut aaqqissuusseqqinneq pillugu suliumajunnaartut

Suliumajunnaarnerit, akerliussutsimik takutitsinerit aqqusinermilu eqqissiviilliortitsinerit Frankrigip ilarujussuanut ulluni tulliuttuni susinnaajunnaartitsinissaat naatsorsuutigineqarpoq.

Frankrigip annersaani pisortat suliffeqarfiutaanni sulisut suliumajunnaarnerat pissutigalugu pisortat ingerlataat tamangajammik uninngapput suliumajunnaarneq Macronip naalakkersuisuisa soraarnerussutisianut aaqqissuusseqqinniarnerat pissutaavoq.

Frankrigimi qimuttuitsut 90 procentii taamaatinneqarput, timmisartuutileqatigiiffiullu Air Francip nunap iluani timmisartuussinissat 30 procentii taamaatillugit.

AAMMA ATUARUK Parisimi sungaartunik vestillit ujajaasut

Atuarfippassuit ullumikkut aamma matoqqatinneqarput, Parisimi metrot aqqutaannit 16-init aqqanillit aamma matoqqatinneqassapput.

Suliatigut peqatigiiffiit piginnaanillit suliumajunnaarneq sivisusinnaallunilu juullip tungaanut ingerlanneqarsinnaasoq aarlerisaarutigaat.

Parisimi akerliussutsimik takutitsillutik ingerlaaqatigiittoqarnissaa ernummatigineqarpoq, betjentillu 6000-it tamatumunnga piareersimatinneqarlutik.

AAMMA ATUARUK Orsussamik akitsuusersuinissaq Macronip taamaatiinnaraa

Soraarnerussutisiassanut aaqqissuussineq annertooq Macronip præsidentimut qinersinermi 2017-imi neriorsuutaasa qitiusut ilagaat.

Aviisip Journal du Dimanchep inuit isumaanik paasiniaaneranni franskit 76 procentiisa soraarnerusutisiassanut aaqqissuussineq taperseraat takutinneqarpoq.

Macronilli tamanna naammassissagaa 36 procentiinnarnik upperineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat