Frankrigimi piinsimi erngunnersuaqassamaarpoq

Inuit ataatsimoortut Facebook atorlugu piinsimi illoqarfiup qeqqani erngunnissaminut qaaqqusisimanerat oqartussaasunit isumakuluutigineqarpoq. Inuit 20.000-it sinneqartut piinsimi festernissamut nalunaarsimapput oqartussaasunillu aqqusinerni pilikkattoqarnissaa erngummatigineqarluni.

Franskit illoqarfianni kultureqarfiusumi Strassbourgimi unnuani kingullerni sinnakilaartaqaaq. Piinsernissaanut annilanngavoq illoqarfiummi qeqqa inunnit 20.000-init piareersarneqarsimanngitsunit erngunniarlutik katersuuttussanit tiguarneqartussanngormat.

Festernissamik aaqqissuussisut festernissaq "ataasinnguartuunnissarsuarmik" taavaat. Qaaqqusissummut Facebook-ikkut nassiunneqartumut muusi naqiinnarlugu nalunaartorpassuaqarsimavoq. Tamanna sumerpiaq qaqugorpiarlu pissanersoq suli ilisimaneqanngilaq. Aaqqissuussisut taamaallaat piinsikkut ulluini susoqassanersoq oqaatigaat, taavalu sumiiffissaq piffissarlu kingusinnerusukkut tamanut nalunaarutigineqarumaartoq. Taakkuami illoqarfimmi oqartussaasunik qanoq iliuusissaminnik nalornisunik pimmatiginnipput. Illoqarfimmi oqartussaasut nassuerutigaat inuit katersuunnissaat inerteqqutigineqarsinnaanngitsoq. Kisiannili isumakuluttoqaqaaq nuannannissaq illoqarfimmi aqqusernit nerukitsut, takornariat, sporvognit aqqutaasa ikerasaliallu akornanni pisussaammat, oqartussaasullu taamaattumik taarsiullugu universitetip eqqaanut innersuullugit, tamannali suliniuteqartut nuannarinngivippaat, taakkuami Facebookimi allakkamik, tigusarineqassagunik taava allat aaqqissuussineq nangiinnarumaaraat piffissarlu alla nalunaarutigalugu. Aammattaaq Parisimi nuannannissaq taamatut ittoq ilimasaarutigineqarpoq, tamannalu Eiffeltårnip ataani eqqaanilu pissalluni. Tamanna illoqarfimmik aqutsisut assut nangaasaarutigaat oqaatigalugulu tamaani ukiorpassuarni imigassartorneq inerteqqutaasoq. Tamannarpiaavorlu aaqqissuussisut piinsimi siunertarisaat.