Frangkrigip coronavirusimik akiuiniarnerani nunamut namminermut ministereqarfiup timmisartuaqqanik ungasianit aqunneqarsinnaasunik atuisimanera, Frankrigip qarasaasiaqarnermut aqutsisoqarfiata isornartorsiorpaa.
Frankrigip qarasaasiaqarnermut aqutsisoqarfiata ministereqarfik allaffigalugu taama isornartorsiorsimagaa, nutaarsiassaqartitsivik reuters allappoq.
AAMMA ATUARUK Frankrigimi innuttaasut aneqqusaajunnaarallartitaasut - aamma ukiutoqqami
Frankrigimi oqartussat innuttaasut coronap tuniluutileruttornerani maleruaqqusanik malinnaasimanersut timmisartuaqqat ungasianit aqunneqarsinnaasut atorlugit nakkutilliisarsimasut paasineqarpoq.
Frankrigilli qarasaasiaqarnermut aqutsisoqarfiata tamanna maanna isornartorsiorpaa, taamaaliorsinnaanissamut inatsisitigut tunngavissaqartinnginnerarlugu.
Isummersuutit