Frankrigimi oqaluffimmi aallaasersortoqarmat palasi aqqunartiterneqartoq
Frankrigip illoqarfiisa ilaanni Lyonimi palasi ilagiinnit grækerineersoq arfinngornerup ualigaa aallaarsarineqarpoq. Taanna aqqunartitersimasoq nutaarsiassaqartitsivik AFP allappoq.
Saassussisoq sumiiffimmit qimaasimavoq.
Kingornali tigusarinnittoqartoq kinaassutsimik isertuussisoq nutaarsiassaqartitsivimmut Reutersimut paasissutissiivoq. Pinerluttuunersoq ilisimaneqanngilaq.
Palasip oqaluffik matussallugu piareersarnerani saassunneqartoq franskit nutaarsiassaqartitsiviit tamalaat allaaseraat.
Palasi grækeriusoq 52-inik ukiulik peruluttoq kinaassutsimik isertuussisoq paasissutissiivoq.
Taanna allaasersortumit marloriarluni aallaaneqarpoq.
Saassussinermi suna peqqutaanersoq ilisimaneqanngilaq.
Taamaammat Nicemi sisamanngormat oqaluffimmut saassussisoqarneranut atassuteqarnersoq oqaatigineqarsinnaanngikkallarpoq.
Oqaluffimmi Notre-Damemi savilersortoqarmat inuit pingasut toqutaapput arlallit ikiligaallutik.
Saassussineq peqqarniisaarniartoqarneranut misissorneqarpoq.