Frankrigimi Nicolas Sarkozy præsidentinngulerunarpoq

maajip 06-at 2007 17:04

Frankrigemi præsidentinngorniuttoqarnerani præsidentinngortussaq tassaassagunarpoq Nicolas Sarkozy.

Qinersisartut 66 procentii maannamut qinersereersimalersut tusakkat kingulliit tusarliuppaat. Taakkunanngalu qinersisartunit Nicolas Sarkozy 54 procentinik qinerneqarsimavoq unammillertaa arnaq Segolene Royal 47 procentinik qinerneqartoq, taama nutaarsiassaqartitsivik Ritzau allaaserinnippoq.

Aviisi Berlingske Tidende aammalu Jyllands-Posten naapertorlugu qularnaarneqariartuaannguatsiarpoq Frankrig angummik præsidentitut issiatitsilerumaarnissaa. Aviisillu taakku allaaserisaat naapertussagaanni Sarkozy pinerliinerit sakkortuumik pineqaatissittarumasimavai aammalu Frankrigemut nunasiniat sakkortuumik killilersimaarusussimallugit. Taakkulu saniatigut aamma Tyrkiap EU-mut ilaasortanngornissaa sakkortuumik akerlerisimallugu.

Qineqqusaarnermilu Frankrigemi suliffissaaleqinerujussuaq akiorniarlugu akileraarutit appaavigerujussuarneqarnissaat qineqqusaarutigisarsimavaa.

TV-kkullu tusagassiat naapertorlugit franskit politiivisa naatsorsuutigaat inuit 40.000-t Parisimiittumi Champs-Elysées-imi

katersuukkumaarnissaat, maannalu politiit 8000-t upalungaarsimallutik piareersimasut oqaatigineqarpoq.

Segolene Royal qinigaagaluaruni arnani siullersaalluni Frankrigemi præsidentinngussagaluarpoq.