Frankrigimi naalakkersuisut tunuarput

Taamaalillunimi ataasinngorpamiit naalakkersuisut nutaat præsidentimut saqqummiuteqqissinnaaniassammagit.

Naalakkersuisut allanngortinnerisigut Sarkozyp naalakkersuisuutitaqartullu partiiat UMP innuttaasunit kaammattorneqaqqilernissaa anguniarneqarpoq. Piffissamimi sivitsortumi utoqqalinersiat pillugit nutarterinermi isumaqatigiinngittoqarsimavoq, qanittukkullu præsidentip inatsisartuni akuerineqartippaa, sapaatip akunnerpassuini akerliusorpassuaqareeraluartoq.

Utoqqalinersianut tunngasunut allannguinerup kinguneranik, Sarkozyp nuannarineqarnera 26 procentimut appariarsimavoq. Akerlianilli premierministeri, nutaarsiassaqartitsivik dpa malillugu præsidentip iluarinngilluinnangaanik, isumasiuinermi inissilluarnerusimavoq.

Franskillu tusagassiorfiisa upperinngilaat Sarkozy Fillonimik soraarsitsinissaminut sapissannginnersoq.

Taamaalioraluarpammi UMP-imi tamanna aalassatsitsissammat.

Fillonili soraarsinngikkuniuk, malinnaasut malillugit, præsidenti naalakkersuisunik nutaamik aallartitseqqittutut upperineqarpallaassanngilaq.

/ritzau og kathrine