Ataatsimiititaliarsuup siulittaasuata Jean-Marc Sauvep tusagassiortunik internetikkut attaveqaatit atorlugit katersuutsitsinermi oqaatigaa ilagiit katuullini sulisut palasillu 1500-nit amerlanerusut kannguttaatsuliortuusimasut.

Frankrigimi katuullit oqaluffiini meeqqat 3000-it kinguaassiutitigut kannguttaatsuliorfiusimasut

Frankrigimi nalunaarusiap nutaap palasit oqaluffimmeersullu allat ikinnerpaamik 1500-it ukiuni qulikkaani arfineq-marlunni kinguaassiutitigut kannguttaatsuliorsimasut erseqqissarpaa.

Meeqqat ikinnerpaamik 3000-t Frankrigimi ilagiit katuullit oqaluffiini kinguaassiutitigut 1950-imili kannnguttaatsuliorfigineqarsimapput.

Misissuinermut ataatsimiititaliarsuup nalunaarusiaani tamanna takuneqarsinnaavoq, kannguttaatsuliorifineqarsimasulli amerlanerunissaat qularnanngitsoq, nalunaarusiortut aamma inerniliuppaat.

Ataatsimiititaliarsuup siulittaasuata Jean-Marc Sauvep tusagassiortunik internetikkut attaveqaatit atorlugit katersuutsitsinermi oqaatigaa ilagiit katuullini sulisut palasillu 1500-nit amerlanerusut kannguttaatsuliortuusimasut.

AAMMA ATUARUK Paavip kinguaassiutitigut atornerluisimanernik isertuussinermut piumasaqaat atorunnaarsikkaa

Ataatsimiititaliarsuaq ukiup ataatsip matuma siornatigut pilersinneqarpoq. Frankrigimimi ilagiit katuullini kannguttaatsuliortoqarsimaneranik suliat arlallit Frankrigimi innuttaasuni aalassatsitsimmata.

Oqarasuaat kannguttaatsuliorfigineqarsimasut sianerfigisinnaasaat ammarneqarpoq, Sauvellu oqarnera naapertorlugu inuit 5300-t oqarasuaammut taassumunnga ukiup kingulliup ingerlanerani sianersimasut.

Ilagiit katuullit akornanni kannguttaatsuliorsimasut sakkortuumik iliuuseqarfigineqassasut, Paavi Fransip oqaatigereerpaa.

AAMMA ATUARUK Paavip kinguaassiutitigut atornerluisarneq iliuuseqarfigeqqugaa

Ilagiit katuullini nuimasut kannguttaatsuliortoqartarnera ilisimasimavaat, iliuuseqarfigisimanagilli allaallumi nalunaarutigisimanagit.

Inuit kannguttaatsuliortoqarneranik ilisimannittut qullersaminnut pinngitsooratik nalunaarutiginnittarnissaannik peqqussut Paavi Fransip siorna akueritippaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat