Frankrigimi ilinniarnertuut akerliussutsimik takutitsinissaminnut piareersarput

Frankrigimi ilisimatusarfinni gymnasianilu ilinniartut tusind-ilippassuit suliffeqarnermut inatsimmut nutaamut akerliullutik, Parisimi akerliusutsimik takutitsinissaminnik piareersaateqarput.

Ilisimatusarfinni suliumajunnaartoqarmat Ilisimatusarfinnit 84-iusunit 58-it ippassaq matoqqapput. Ilinniartullu Ilisimatusarfinnit aallartillutik ingerlaaqatigiinniarput.

Sapaatip akunnerata uumap ingerlanerani 40.000-it akerliussutsimik takutitsimmata ilinniartut politiillu aporaapput. Akerliussutsimik takutitsisut milloormata politiit gassimik qulliliornartumik anaataallutillu milloortut akivaat, politiillu qulit inuusuttullu arlallit ikilerneqarput.

Inatsit nutaaq akerliuffigineqartoq, sulisitsisunik periarfissiivoq inuusuttunik 26-it inorlugit ukiulinnik atorfinitsinneqartunik, ukiut marluk siulliit iluanni atorfeqarneranni akileerujussuaqqaanngikkaluarlutik soraarsitsisinnaanissaminnik.

Frankrigimi inuusuttut akornanni suliffissaaleqineq Europami annertunerpaavoq. Illoqarfinni illoqarfiit anginerit avataatungaaniittuni inuusuttut 50 procentit tikillugit suliffissaaleqipput, suliffissaaleqisullu akornanni nunanit allaneersut amerlanerupput.