Coronavirusi Frankrigemi februaarimi tunillaassuutilermalli nualluummik taassuminnga toqquteqartut 10.300-t maanna sinnerpaat.Assi: Benoit Tessier/SAA/Ritzau Scanpix

Frankrigimi coronavirusimik toqquteqartut amerleriapiloortut

Frankrigimi napparsimmavinni isumassuiffinnilu najugalinni 1417-it coronavirusimik ullup unnuallu ingerlaneranni toqquteqartut marlunngornermi nalunaarutigineqarpoq.

Tassalu coronavirusimik toqquteqartut aatsaat taama amerlatigisut, Frankrigimi oqartussaat ullup unnuallu ingerlaneranni nalunaarsorpaat.

Isumassuiffinni najugaqartuni 820-t toqquteqarput, napparsimmavinni 597-iusut. Nutaarsiassaqartitisivik Reuters naapertorlugu Frankrigimi peqqissutsimut aqutsisoqarfimmi qullersaq, Jerome Salomon marlunngornermi unnukkut taama nalunaaruteqarpoq.

Coronavirusi Frankrigimi februaarimi tunillaassuutilermalli nualluummik taassuminnga toqquteqartut 10.300-t maanna sinnerpaat. Taakkua pingajorarterutaat utoqqaat isumassuiffinni najugaliusut, nutaarsiassaqartitsivik AFP allappoq.

Frankrigemi tamarmi inuit 78.000-nit ikinnerunngitsut coronavirusimik tunillanneqarsimasut napparsimmavinni uninngapput.

Isummersuutit