Coronavirusimik akiuiniarnermi siuariartortoqartoq sulili qaangerniagassaqartoq, Frankrigip præsidentiata Emmanuel Macronip erseqqissaatigaa.Assi: Martin Bureau/AFP/Ritzau Scanpix

Frankrigimi coronaviruseqarnerani killilersuineq sivitsorneqartoq

Frankrigimi atuarfiit paaqqinnittarfiillu, kisianni kaffisorniartarfiit neriniartarfiillu minilugit, maajip ulluisa aqqarnannit ammariartuaarneqassapput. Emmanuel Macron taama oqarpoq.

Frankrigimi coronavirusi siaruatsaaliorniarlugu killilersuineq maajip ulluisa aqqarnata tungaanut sivitsorneqarpoq.

Frankrigip præsidentia Emmanuel Macron ataasinngornermi oqalugiarami taama oqarpoq.

Frankrigimi paaqqinnittarfiit atuarfiillu maajip ulluisa aqqarnannit ammariartuaarneqarnissaat pilersaarutaavoq. Præsidenti taama oqarpoq.

Kaffisorniartarfiit sutorniartarfiillu, imerniartarfiit neriniartarfiillu matoqqagallassasut Macronip ilanngullugu oqaatigaa.

AAMMA ATUARUK Frankrigimi coronavirusimik toqquteqartut amerleriapiloortut

Frankrigimi innuttaasut sapaatit akunnerit kingulliit sisamat angerlarsimaannaqquneqarput, nerisassanilli inuussutissanik pisiniarsinnaatitaallutik, suliartorsinnaasullu suliartorsinnaallutik.

Peqqussutit tamakku suli atuutsinneqartut Macronip oqaatigaa.

Coronavirusimik akiuiniarnermi siuariartortoqartoq sulili qaangerniagassaqartoq taassuma erseqqissaatigaa.

- Ajugaaffigiumaarparput, virusilli qaammatini tulliuttuni suli tuniluussinnaanissaa naatsorsuutigisariaqarparput, Emmanuel Macron oqarpoq.

Inuit 15.000-ingajaat coronavirusimik Frankrigimi toqquteqarsimasut, kisitsisit pisortatigoortut takutippaat.

Isummersuutit