Frankrigimi allamiunik immikkoortitsineq sakkortusiartorpoq
Frankrigimut nunasisartut ikilisarniarlugit Frankrigimi inatsisartut siunnersuuteqarput nunasereersimasut ilaquttaminnik tikisitsiniarpata, ilaqutariissusaat uppernarsarniarlugu DNA-mik tigusiffigineqarlutik misissoqqaarneqartalissasut. Frankrigimi inatsisartut ataatsimiittarfianni ataatsimiinnermi saqqummiunneqartoq tassaavoq inuup sananeqaataanik DNA-mik tigusilluni misissuisarnissamik siunnersuuteqartoqarnera eqqartorneqarmat. Inatsimmi atuuttumi inerteqqutaavoq inuup sananeqaataa DNA atorlugu Frankrigimi misissuisoqartarnissaa.Frankrigimut nunasisartut ikilisarniarlugit
Frankrigimi inatsisartut siunnersuuteqarput nunasereersimasut ilaquttaminnik tikisitsiniarpata, ilaqutariissusaat uppernarsarniarlugu DNA-mik tigusiffigineqarlutik misissoqqaarneqartalissasut.
Frankrigimi inatsisartut ataatsimiittarfianni ataatsimiinnermi saqqummiunneqartoq tassaavoq inuup sananeqaataanik DNA-mik tigusilluni misissuisarnissamik siunnersuuteqartoqarnera eqqartorneqarmat.
Inatsimmi atuuttumi inerteqqutaavoq inuup sananeqaataa DNA atorlugu Frankrigimi misissuisoqartarnissaa.
Aatsaammi eqqartuussisut akuersiteqqaarlugit inuup sananeqaataanik DNA-mik misissuisoqarsinnaammat.
Ilaqutariit kikkulluunniit tamarmik ataatsimuulersinneqartussat taamatut misissuiffigineqartalernissaat pisariussaqisoq Inuit Pisinnaatitaaffii pillugit Kattuffiit isumaqarput. Inatsisissami siunnersuutigineqarpoq namminneq piumassutsiminnik inuup sananeqaataa DNA atorlugu kikkulluunniit nunasisut misissortikkusuttut misissortittarsinnaasut.
Inuit piumassutsiminnik misissortissimagunik nunasinissaminnut qinnuteqaataat sukkanerusumik suliarineqartalissammata.
Inuppassuit isumaqarput taamatut siunnersuuteqarneq nikassaanerusoq, inuit nunasisut peqquserluttuliortartutut isigineqalissammata, inuillu kiffaanngissuseqarlutik inuunerannut akulerunniarnertut nalilerneqarluni.
Inuit pisinnaatitaaffiinik suliaqartut Kattuffiit arlaqartut pisoq iluarinngitsorujussuuaat.
Frankrigimi nunasisartut ukiumut 100.000-nik amerlassuseqartarput. Inatsisissarlu akuersissutigineqassapput, nunasisartut affaannanngornissaat ilimagineqarpoq.
