Frankrigi Libyamiunut ikiuinialerpoq
Ikiuiniarneq tassa aallartippoq, ministeriuneq Francois Fillon oqarpoq.
- Timmisartut marluk Benghazimukarlutik nalunaaquttap akunneri amerlanngitsunnguit qaangiuppata aallassapput, tamanna Frankrigimi naalakkersuisunit noqqaassutigineqarpoq. Nakorsat, peqqissaasut, nakorsaatinut atortut nakorsaatillumi timmisartut usissavaat. Sumiiffinni tigusaaqqajunnaareersuni innuttaasunut ikiuiniarneq taamaalilluni aallartinneqarpoq, Frankrigimi ministeriuneq oqarpoq.
Benghazi Libyami illoqarfiit annersaasa tulleraat, illoqarfillu taanna pikitsitsisut sapaatip-akunnera kingulleq tiguarneqarpoq.
Akerliussutsimik februaarip ulluisa 17-iannili takutitsisoqalermalli, kisermaassilluni naalakkersuisup, Muammar Gaddafip, Libyap annersaa nakkutigisinnaajunnaaqqavaa.
Ministeriuneq Fillon, aamma nunanut allanut ministeri, Michele Alliot-Marie, naalakkersuisut januaarimi februaarimilu uppititaanngitsiarnerini, Igitsinimi Tunesiamilu namminneq inuttut tikeraartut, paasineqarmatali, Frankrigimi naalakkersuisut tamaviaartorujussuupput.
Alliot-Marie atorfimminit tunuarniarluni ippassaq aalajangerpoq.
Præsident Nicolas Zarkozy-p naalakkersuisuisalu Afrika Avannarlermi naalakkersuisunik naalagaaniartunik nipaatsumik akuersaaginnarsinnaajunnaarnertik malunnartinniarlugu oqarnissaminnik pisariaqartitsisut politikkikkut oqaaseqartartut oqarput.
