Assi: Jeff Pachoud/AFP/Ritzau Scanpix

Frankrigemi savilersorluni saassussineq peqqarniisaarniarnertut misissorneqarpoq

Inuit marluk toqupput, tallimallu ikilerneqarput angut inunnik aqqusinermiittunik pisiniarfinniittunillu saassussimmat, illoqarfimmi Frankrigep kujasinnerusortaaniittumi.

Frankrigemi savilersorluni saassussisoqarmat inuit marluk toqutaapput, saassussinerlu peqqarniisaarniarnertut paasiniarneqalerpoq.

Saassussineq pivoq illoqarfimmi Frankrigip kujasinnerusortaani Romans-Sur-Isere-mi

Angut savimmik saasssussisoq, inupparujussuit aqqusinermiittut pisiniarfinniittullu saassussimavai, illoqarfimmi tassani 30.000-nik inoqarpoq.

Saassussinermi inuit tallimat ikilerneqarput. Taakkunannga marluk annertuumik ikilerneqarlutik.

Saassussisutut pasineqartoq Sudanimiunit kingoqqisuusoq saassussisoqarneranik paasiniaasut taama oqarput.

Saassussisimasutut pasineqartup inigisaani misissuisoqarmat, upperisamut tunngasunik allatanik arlalinnik nassaartoqarpoq, ilaatigut ajuusaarutigalugu nunami upperisarsiorfiunngitsumi najugaqarami.

Angut taanna siornatigut politiinut attuumassuteqarsimanngilaq.

Perulluliornerup suna patsisigineraa suli paasineqanngilaq.

Taamaattorlu Franskit oqartussaasuisa saassussineq peqqarniisaarnianut attuumassuteqarsoraat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat