Frankrigemi peqqinnissaqarfinni sulisut akiuussuserneqarsimanissaanik piumasaqaateqarneq isumaqatiginagu Frankrigemi tamarmi akerliussutsimik takutitsisoqarpoq. - Foto: Rafael Yaghobzadeh/Ritzau Scanpix

Frankrigemi peqqinnissaqarfinni sulisut pinngitsooratik akiuussusernissaat inatsisartuni akuerineqarpoq

Peqqinnissaqarfinni sulisut akiuussuserimanissaanik piumasaqaateqarneq pillugu Frankrigemi tamarmi akerliussutsimik takutitsisoqarpoq

Frankrigemi peqqinnissaqarfinni suli pinngitsooratik coronamut akiuussuserneqarsimanissaanik piumasaqaat franskit inatsisartuini inatsisissatut siunnersuut ataasinngornermi akuersissutigineqarpoq.

Taama aalajangiisoqarpoq, Frankrigemi coronavirusimik tuniluunnerup sisamassaanik atuutilernerani.

Katersugaassivinnut filmertarfinnut naluttarfinnullu iserneq inerteqqutaavoq akiuussusersimanermik uppernarsaateqanngikkaanni piffissamiluunniit qanittumi coronamik tunillatsissimannginnermik militsinnermik uppernarsaateqanngikkaani.

Akiuussusersimanermik uppersaatit tusarnaartitsinernut annertuunut imerniartarfinnulluunniit unnuakkut ammasartunut aamma atuupput.

Uppernarsaatit atornissaat aggutsip aallartinneraniilli pisariaqartinneqalerput, neriniartarfinnut imerniarfinnullu iserniaraani kiisalu timmisartunik qimuttuitsunulluunniit sivisuumik angalanissani.

Inatsisissamik siunnersuut novemberip ulluisa 15-anni atorunnaassaaq.

Inatsisip atuutilernissaanut naalakkersuinermi eqqartuussiviup akuersinissaa amigaatigineqarpoq.

Inatsisissatut siunnersuut isumaqatiginagu frankrigemi tamarmi akerliussutsimik takutitsisoqatarpoq.

Illoqarfinni Parisimi, Marseilemi Lyonimi Nantesimi Montpellerimi Toulousimilu arfininngornermi franskit tusintilikkaat akerlussutsimik takutitsipput l

Frankrigemi innuttaasut 4000-it missaannik amerlatigisut juulip aallaqqaataata missaani ulormut tunnillatsippuy sapaatit akunneranili kingullermi 22.000-nut amerlipput. Napparsimmavinnut unitsinneqartartut aamma amerlisimapput

Europami nunat allat assigalugit Frankrigemi coronavirusimut sukkasuumik tuniluuttumut deltamut ilungersortoqarpoq.

Frankrigemi oqartussaasut frankrigemi innutaasut tamarmik pissarsiariniarneqartarput akiuussuserneqarnissaannik ilungersuuteqarput, akiuussuserneqarnissaminnillu inniminniisimanngitsut pissarsiarineqartarput.

Frankrigemi innutaasut 67 milliuuniusut taakkua 49,3 procentii akiuussutissamik siullermeerutaasmik kapineqareerput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat