Frankrigemi innuttaasut qinersiartorlutik ullumi imaaginnavissimapput.
Qinersiartukaasorpassuit qinigassaat marluk tassapput 52-nik ukiulik Nicolas Sarkozy unammillertaalu arnaq 53-nik ukiulik Ségoléne Royal.
Qinersiartorfissat ullaaq manna arfineq-pingasunut ammarput, aviisillu Politikenip allaaserisaa naapertorlugu qinersiartortut aatsaat taamak amerlatigisut qinersiartornerarneqarput.
Frankrigemi qinersiartorfissani 85.000-iusuni ullaap tungaata ingerlanerinnaani inuit 34 procentii qinersiartoreersimapput.
Unnugulu qinersiartorfissat matuppata ilimasuutigineqarporlu qinersiartortut 90 procentii qinersiartoreersimanissaat, taamaassappallu præsidentinngorniuttarnerni sisamani kingullernut sanilliullugu procenti taanna annertunipilussuussaaq.