- Timmisartoq qimagussueqqaartussaq inunnik coronavirusimik tunillatsissimanermut ersiuteqanngitsunik ilaasoqassasoq, Frankrigimi angallannermut ministerip tullersortaa, Jean-Baptiste Djebarri, franskit TV-annut oqarpoq.Assi: Kyodo/Reuters/Ritzau Scanpix

Frankrig timmisartumik europamiunik aallertussamik Kinamukartitsisoq

Danmarkip nunanut allanut tunngasunut ministereqarfiata danskit 13-it Wuhanimiittut aaneqarnissaannut Frankrig ilaatigut suleqatiseraa.

Timmisartoq franskinik Kinap illoqarfiisa ilaanni Wuhanimiittunik qimagussueqqaartussaq pingasunngornermi aallassasoq, Frankrigimi angallannermut ministerip tullersortaata, Jean-Baptiste Djebarrip, ilisimatitsissutigaa.

Danskit 18-it Kinami nunap immikkoortuani Hubei-imi coronavisrusip siaruaaffianeersuaniipput, taakkunanilu arfineq-marluk qimagutitinneqarnissartik kissaatigaat.

Danmarkip nunanut allanut tunngasunut ministereqarfiani Innuttaasunut Kiffartuussivik taama ilisimatitsivoq.

Timmisartumik qimagussorneqassangatinneqarput. Tamanna Europami nunat arlallit suleqatigiinnerisigut pissaaq, europamiullu pineqartut katersuutiteriarlugit Kinami nunap immikkoortuanit Hubei-imit timmisartumik qimagussorneqassapput.

Tamatuma pingasunngornermi sisamanngornermiluunniit pinissaa siunniunneqarpoq.

Europamiut qimagussorneqartussat nunamut sorlermukaanneqassanersut suli ilisimaneqanngilaq.

Danskit pineqartut tamarmik ajunngitsut nalunaarutigineqarpoq.

AAMMA ATUARUK Coronavirusimik Kinami toqquteqartut 100-nit amerlanerulertut

Nualluummik coronavirusimik Kinami toqquteqarsimasut maannamut 100-t sinnerpaat.

Djebarrip oqarnera naapertorlugu qimagussortinneqartussat sisamanngornermi Frankrigimukaanneqassangatinneqarput.

- Timmisartoq qimagussueqqaartussaq inunnik coronavirusimik tunillatsissimanermut ersiuteqanngitsunik ilaasoqassasoq, Djebarri franskit TV-annut oqarpoq.

- Inuit taakkua mattussaagallassapput. Timmisartorlu alla coronavirusimik tunillatsissimarataannaasunik Parisimilu nakorsarneqartussanik angerlaassiumaarpoq, Djebarri oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat