Timersorneq

Frankrig Islandilu unammilerpata isiginnaaqatigiittoqarsinnaassaaq

Inuit millionilikkaat nunanit tamalaaneersut, Europami isikkamik arsaallutik pissartanngorniunnernik ualeru nalunaaqutaq tallimanut malinnaassagunarput, pissartanngorniunnermimi aaqqissuisut Frankrigimi arsaattartoqatigiit tupaallatsitsimaqisut Island kvartfinalimi unammissavaat.

Allattoq Mads Lynge

juulip 02-at 2016 16:27

Nunatsinniillu aamma malinnaasoqassajunnarsivoq. Islandimiummi Nuummi peqatigiiffiata, Islandillu Nuummi generalkonsuliata,

Danmarkimi Franske Institut suleqatigalugu Frankrigip Islandimut unamminissaa Hotel Hans Egedemi skærmersuakkut tamanut ammasumik isiginnaartoqarsinnaassaaq.

Inuit isikkamik arsaannermik soqutigisallit hunnorujulikkaat arsaattartut unamminissaannik isiginnaarusunnissaat,

Islandimiut Nuummi peqatigiiffiata siulittaasuata Birkir Rutssonip naatsorsuutigaa, Islandimiut, Savalimmiormiut, kalaallit, qallunaat franskillu Hotel Hans Egedemut tikilluaqqullugit.

Unammineq Hotel Hans Egedep 1.salimi ataatsimeersuartitsisarfiani isiginnaariarneqarsinnaassaaq.

Matut nalunaaqutaq sisamanut ammarneqassapput, unamminerlu tallimanut aallartissalluni. Iserneq akeqassanngilaq.

Frankrig Islandilu unammilerpata isiginnaaqatigiittoqarsinnaassaaq

Aamma atuaruk