Frank Jensen misileeqqinniarpoq
Kalaallit Nunaata pisuussutai pillugit isumaqatigiittoqarnissaa Socialdemokratineersup Frank Jensenip ullumi misileqqinniarpaa.
Frank Jensen Namminersorneq pillugu isumalioqatigiissitami Kalaallit Nunaanni pisuussutaasinnaasut qanoq agguataarneqarnissaat pillugit suleqatigiinni siulittaasuuvoq.
- Naalakkersuisut aatsitassanut tunngasunut siunnersuuteqareerput, siunnersuutilli isumaliutigilluaqqaagassaagallarput. Isumaqatigiissutigigallakkat allannguutigisinnaasaannik, illuatungeriinnit akuerineqarsinnaaniartussanik, maanna misissuivunga. Tassa kalaallit danskillu tungaanniit, Frank Jensen oqarpoq.
Suleqatigiit isumaqatigiissinnaanngippata Namminersorneq pillugu isumalioqatigiissitat iluarsiissutissamik arlaannik namminneq nassaarniartariaqassapput, amerlanerilli tamanna naammassineqarsinnaasorinngilaat.
Suleqatigiit Namminersornerlu pillugu isumalioqatigiissitat isumaqatigiissinnaanngippata, danskit kalaallillu naalakkersuisui akunnerminni aalajangiisariaqassapput.
