Framip ilaasui World of Greenlandimit kiffartuunneqartassapput
World of Greenlandip aamma Hurtigrutenip umiarsuaq nuannaariartaat Fram suleqatigiissutigisalissavaat. Ilaasut Kangerlussuakkoortut World of Greenlandip 2010-p aasaanerani kiffartuuttalissavai.
Allattoq mlk
Umiarsuup nuannaariartaatip Framip ilaasui 2010-p aasaanerani Kangerlussuakkoortartussat kiffartuunneqartarnissaat pillugu World of Greenland – Arctic Circle aamma Hurtigruten isumaqatigiissuteqarput.
- Suleqatigiinissamut tassunga neriulluarpugut tikittartussallu Kangerlussuarmi pissarsiffiusumik nuannersunillu misigisaqartittarnissaat qilanaaralugu, Christian Frimodt-Møller World of Greenlandip pisortaa, tusagassiorfinnut nalunaarummi oqarpoq.