Fram-imi naarluuttoqarpoq
juunip 21-at 2007 12:33
Umiarsuarmi takornarianik angallassissummi M/S Fram-imi ilaasut pingasut naarlulersimasut, Sermitsiami atuarneqarsinnaavoq.
M/S Fram-imi ilaasut katillugit 242-pput, taakkunannga pingasut meriarlutillu timmilersimapput. Naarluuttut ikikkaluaqisut umiarsuaatileqatigiimmit malittarineqarluarput, tuniluussinnaanera pinerullugu.
- Napparsimasut ineeqqanut immikkut inissinneqarput, nakorsamit peqqissaasunillu nakkutigineqarlutik. Aamma peqqissaarnissaq pillugu eqqiaasoqaqqippoq ilaasullu qinnuigineqarput peqqissaartumik errortaqqullugit. Umiarsuaatileqatigiiffik Hurtigruten nalunaarpoq.
M/S Fram Ilulissanut ullumi tikissaaq, umiarsuullu eqqiarneqarnissaanut eqqiaasussat amerlisinneqarsimapput.
