AWG 2018 Fort Smithimi unnuk kulturisiorfik
Illoqarfimmi AWG-ip ingerlanneqarfigisaata aappaani Fort Smithimi marlunngormat unnukkut kulturisiortitsilluni unnussiuaartitsisoqarpoq, takutitsinermi peqataasut tassaapput nunatsinneersut, Nunavut, Yamal aamma Yukon.
Allattoq Simon Uldum -
marsip 21-at 2018 15:32
Arctic Winter Games timersornermuinnaq tunnganngilaq. Sapaatit akunneratami ingerlanerani kulturikkut assigiinngitsunik aamma aaqqissuussisoqarpoq, najukkami eqqumiitsuliortut suliaminnik takutitsinissaminnut periarfissaqarlutik. Ilaatigut eqqumiitsulianik saqqummersitsisoqarpoq, katersugaasiviit tamanut ammatinneqarput, aamma soorunami Inuit erinarsuutaannik inngernermillu takutitsisoqarpoq.
Fort Smithimi katersortarfeeqqami Roaring Rapids Hallsimi marlunngormat unnukkut kulturikkut unnussiuaartitsisoqarmat KNR najuuppoq.
Ruslandimi Yamalimeersut, kalaallit Nunavummiullu takutitsinerisa ilaat ataani takuneqarsinnaapput:
