- Neriuuteqaqaagut, kisianni aamma ilimagilaartariaqarparput aallartisarnerani ikilaarsinnaassasut kisianni sivisunerusoq eqqarsaatigalugu qanoq aaqqissuunneqarsimanera maskinmesterillu sunngortarnersut ilisimaneqarluarneqalerunik qinnuteqartoqartarnissaa iluatsikkiartulerumaarpoq, Teknikimik Ilinniarfiup forstanderia, Jokum Møller, oqarpoq.Assi: KNR

Forstanderi nunatsinni maskinmesterinngorniarfissamut isumalluartoq

Maskinmesteritut nunatsinni jannuaarimi ilinniartoqarsinnaalissaaq. KTI-p forstanderiata nunatsinni maskinmesteritut ilinniarsinnaalernissaq pingaaruteqassaqisoq qularutiginngilaa.

Maskiinat qanoq suliassaanersut qanorlu atorsinnaanersut Sisimiuni aappaagumiit ilinniarneqarsinnaalissapput.

Nunatsinni maskinmesteritut sulisut 230-usut, taakkunanilu 20-t sinnilaarlugit nunatsinneersuusut, misissuinerup takutippaa.

- Taamaattumik oqartariaqarpugut, inuusuttagut periarfissagissaartorujussuupput, aamma uani ilinniareerunik pissanganartumik tamatigoortumik akissarsiagissaartumik suliffittaarnissaminnut, Teknikimik Ilinniarfiup forstanderia, Jokum Møller, oqarpoq.

AAMMA ATUARUK Maskinmesteritut Sisimiuni aappaagu ilinniartoqarsinnaalissasoq

Maskinmesterinngorniarneq Danmarkimi pisaraluarpoq. Nunatsinnili piffissap annerpaartaani ilinniarnissaq periarfissaalissaaq.

- Taamaallaat ukiup affaa avillugu Danmarkimiissinnaallutik. Piumagunik. Sinnera maani nunatsinni ingerlassinnaavaat.

Arlallillu maskinmesteritut nunatsinni ilinnialersinnaassapput.

- Siullermik assassornermik suliaqarsimasut, soorlu mekanikerit saffiuut, VVS montørit, marineautomekanikerit assersuutigalugu. Taakku aallartissinnaapput, Jokum Møller oqarpoq.

Aamma ilinniarnertuunngorsimasut aallartissinnaassapput.

Ikittut aarlatinnerani qinnuteqartassasut ilimagigaa

Maskinmesterinngorniarfissap nunatsinnut iluaqutaalluarnissaa forstanderip neriuutigaa.

- Neriuuteqaqaagut, kisianni aamma ilimagilaartariaqarparput aallartisarnerani ikilaarsinnaassasut kisianni sivisunerusoq eqqarsaatigalugu qanoq aaqqissuunneqarsimanera maskinmesterillu sunngortarnersut ilisimaneqarluarneqalerunik qinnuteqartoqartarnissaa iluatsikkiartulerumaarpoq, Teknikimik Ilinniarfiup forstanderia, Jokum Møller, oqarpoq.

Maskinmesterinngorniarluni ilinniarfik KTI-p nittartagaani annerusumik paasisaqarfigisinnaavat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat