Fontain: Siulittaasoq tunngavilersuuteqanngilaq

Inatsisartut ukiakkut ataatsimiinnerat aallartiinnartoq uran oqallissutaavoq. Oqallinnerullu nalaani Naalakkersuisut siulittaasuat Aleqa Hammondip uranimik akerliunermiit hashimut akerliunissaq takorusunnerarpaa. Taama oqaaseqarnera Peqqissutsimut Naalakkersuisuusimasup Agathe Fontainip narrutsaatigaa.
Allattoq Peter Troelsen, Knud Reimer
septembarip 18-at 2013 13:41

Hashilu inerteqqutaareermat akerliulluinartoqareernerarlugu Agathe Fontainip nittarsaaterartarpaa. Naalakkersuisoqatigiiusarsimasummi tamarmik hash-imik akiuiniartuartarsimapput, Naalakkersusullu taamatut oqaaseqarsimanera Agathe Fontainip tulluartuunnginnerarlugu:

Hashimik akersuunniarnerput uranimut naaggaarluinnarnissamut naleqqiullugu aallunnerusisariaqarnitsinnik Naalakkersuisut siulittaasuata oqariartuutaa tulluanngilaq. Suliassammi tamarmik aallukkusuppavut, taamaammallu uranip kingunerisinnaasai eqqartorneqartillugit taakkorpiaannaat Naalakkersuisumit ukkitarineqarnissaat tulluarnerussagaluaqaaq. Suummi tamarmik allamut saasaarineq nammineq isummersuutinik tunngavilersuisinnaarpiannginneranik takutitsiinnarpoq, Agathe Fontain oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq