Fontain: Nunatta karsianit atornerluinerit amerlanerupput

Aleqa Hammondip Nunatta karsianit atornerluisimaneri amerlanerusut Inatsisartut kukkunersiuinermut ataatsimiititaliaata saqqummiutereerai IA-meersup Agathe Fontainip ilisimatitsissutigaa. Aleqa Hammond folketingimut qinersinissamut tunngassuteqanngitsunik oqaaseqarusunngilaq.

Aleqa Hammondip Nunatta karsianik atornerluisimanini - suunngitsutut inissinniarsarinagu akuerisariaqarpaa!

Aleqa Hammondip Qanoruumi ippassaq apersorneqarnera takoreerlugu IA-p kukkunersiuinermut ataatsimiititaliami ilaasortaatitaa Agathe Fontain taama oqarpoq.

- Qanoruup ippassaq isiginnaarnerani tusaasinnaavara Kukkunersiuinermut ataatsimiititaliap isumaliutissiissutaa, Inatsisartut sapaatip akunnerata siuliani aatsaat naammassisaat, suusupagineqartoq isumaqarpunga. Tassami isumaliutissiisut imaqarami annertoorujussuarnik taavalu aamma inuiaqatigiinni sunniuteqarsimasorujussuarnik. Taamaammat suusupagineqartussaanngilaq ataqqineqartussaallunili. Inatsisartullu naqissuserpaat isumaliutissiissummik akuersinermikkut, taassuma imaani landskarsi annertuumik atornerlunneqarsimasoq, Agathe Fontain oqarpoq.       
 
Nunatta karsianik atornerluisimanermut nutaatut saqqummiunneqartut Aleqa Hammondimut tunngasut amerlanerusut Agathe Fontainip aamma oqaatigaa.

Ilaatigut taaneqarlutik inuit marluk Bruxelles-imit Parisimut angalanerat aamma Islandimut angalanermi sapaatip akunneranik sivitsuisoqarsimanera. Pisuni taakkunani Nunatta karsia akiliisimavoq.

Kukkunersiuinermut ataatsimiititaliap isumaliutissiissutaa kingulleq Aleqa Hammondip oqaaseqarfigerusunngilaa. Folketingimut qinersinissamut tunngassuteqanngitsunik oqaaseqarusunnani taassuma oqaatigaa.  

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat