Folketingip ukiua nutaaq aallarteqqilerpoq

Folketingip ukiua nutaaq aqagu aallartissaaq. Pisarnertut ulloq nalliuttorsiorfik aallarnerlugu ullaakkut nal. qulinut naalagiaqatigiinneqassaaq.

Tamatuma kingorna kunngikkormiut folketingip siulittaasuanit tikilluaqquneqassapput. Dronningip uiatalu saniatigut kunngissaq nulianilu peqataassapput aammattaaq prins Joachim aamma prinsesse Benedikte najuutissallutik

Silataani Danmarki tamakkerlugu kommuninut aningaasartuutissanik ikililerineq pillugu akerliussutsimik takutitsisoqassaaq. Akerliussutsimik takutitsineq annerpaaq Christiansborgip silataani ingerlanniarneqarpoq.

Taamaalilluni apeqqutaalerpoq Statsminister Anders

Fogh Rasmussen ulloqeqqanut ammaanersiorluni oqalugialerpat, Dronning Margrethe tusarnaartullu allat tusaasaqarsinnaassanersut.

Akerliussutsimik takutitsiniartut pillugit statsministeri

oqarpoq, taakkua tassaasut socialistinit sunnersimaneqarlutik naalakkersuinikkut angusaqarusuttut, ilaatigut perorsaasut kattuffiannit, BUPL-imit aqunneqartut.

Taamatut akerliussutsimik takutitsinerni tunngavigineqarput salluliorluni paasissutissiinerit taamaanneraanerillu eqqunngitsut. Taamatut akerliussutsimik takutitsinerit inerteqqutigineqarsinnaanngillat, tassami kikkut tamat oqartussaaqataanerata aqqani pisinnaatitaaffiummata.

- Matumuuna inatsisaatsuliortoqannginnissaa kajumissaarutigiinnassavara inuiaqatigiittullu aaqqissuussaanitta demokrati-mik tunngaveqartup innarlerneqannginnissaa eqqaasitsissutigalugu.

Ilanngullugu oqaatigissavara aappaagumut aningaasartuutissani pisortat inuiaqatigiinnut aningaasaliissutissaat aatsaat taama amerlatigimmata, Anders Fogh Rasmussen taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat