Folketingip ataatsimiinnera ammarpoq

Folketingip ukiaanerani ataatsimiinera ullaaq ammaneqarpoq. Ministeriunerup Anders Fogh Rasmussen-ip oqaaseqarnermini nunani allani pissutsit, Danmarkillu naalagaaffiani pissutsit ilannguppai.

Ministeriuneq naalagaaffeqatigiinneq pillugu oqaaseqarnermini oqarpoq naalagaaffeqatigiinneq nutarterneqartariaqartoq, tamannalu naalagaaffeqatigiinnerup iluani akisussaaffiit suleqatigiinnerullu annertusarneqarnissaannik isumaqartoq.

Ministeriuneruttaaq oqaatigaa naalagaaffeqartigiinnerup iluani nunatta Savalimmiullu nunanut allanut tunngasunik nammineerlutik aqutsilernissaat periarfissiuunneqartariaqartoq.

Tamatuma saniatigut ministeriunerup oqaatigaa Danmarkimi Naalakkersuisut Namminersornerullutillu Oqartussat oqartussaaffiit amerlanerusut nunatsinnut nuunneqarnissaat pillugu suliaqartussamik Suleqatigiissatamik pilersitsisut.

Nunarput sinnerlugu Folketingimi ilaasortat Kuupik Kleist aamma Lars-Emil Johansen kiisalu nalaakkersuisut siulittaasuat Hans Enoksen, inatsisartullu siulittaasuat Jonathan Motzfeldt ammaanermi najuupput.