Folketingimut ukiaq manna qinersisoqariaannaasoq

Dansk Folkepartip, partii Venstremik, maanna naalakkersuisuutitaqartumik, tapersersuisup, aappaagumut aningaasanut inatsisissatut siunnersuummik partii Venstre Socialdmokratit peqatigalugit isumaqatigiissusiorusunnerunini oqaatigereeraalu Folketingimut qinersisoqaratarsinnaaneranik ilimaginnittoqarlerpoq. Tassa Dansk Folkepartip Liberal Alliance peqatigalugit isumaqatigiissusiorusunnginnera matumani pissutaavoq.

Folketingimut qinersisoqassappat, partiip Liberal Alliancep Venstremik tapersersuiunnaarniarnini nalunaarutigereerpaa. Liberal Alliancep siulittaasua Anders Samuelsen taama oqarpoq. Akileraarutitigut ikinnerpaamik 5 procentpointinik oqilisaasoqarnissaa Liberal Alliancep piumasaraa, Dansk Folkepartiip aningaasat atugarissaarnissamut akerlianik atorusunnerugai.

Topskatimik pisagaanni oqilisaasoqarnissaa matumani pineqarpoq, Dansk Folkepartii Liberal Alliancelu apeqqummi tassani isumaqatigiinngittorujussuullutik.

Venstrekkut qaammatini 15-ini naalakkersuisuutitaqarnikuupput.

Aappaagumut aningaasanut inatsisissatut siunnersuut pillugu isumaqatiginninniarnerit oktobarimi aallartissapput.