Folketingimut qinersinerup kingorna Namminersorneq pillugu ataatsimiititaliami ilaasartat nutaat kikkuussappat

Folketingip siulittaasortaavanik Thor Pedersenimik, namminersorneq pillugu ataatsimiititaliarsuaq pillugu oqaloqatigininnissani naatsorsuutigaa. Christian Mejdal folketingimi siulitaasutut tunuarmat Thor Pedersen siulitaasunngorpoq. Namminersorneq pillugu ataatsimiititaliarsuup piaartumik sulileqqinnissaa kalaallit tungaanniit sukataarutigineqartuarsimavoq

Jonathan Motzfeldt qanittukkut Anders Fogh Rasmussenimut allagaqarluni ataatsimiititaliarsuup piaarnerpaamik suleqqilernissaa inassutigisimavaa, Namminersorneq pillugu ataatsimiititaliap allattaa Jakob Janussen taama Sermitsiaq.gl-imut ilisimatitsivoq.

Naalakkersuisut nutaanik taarserneqarnerisa kingorna ataatsimiititaliarsuarmi ilaasortat inuttalersugaaneranut tunngasunik apeqqutinik arlalinnik saqqummersoqarsimavoq. Apeqqutillu ilagaat Birthe Rønn Hornbech (V) Danmarkimi integrationsministerinngornermi kingorna isumalioqatigiissitami ilaasortaaginnarsinnaanersoq.

Partii nutaaq Ny Alliance ataatsimiititaliarsuarmi ilaasortaatitaqassanersoq apeqqutigineqartussanut ilaavoq, sermitsiaq gl nittartakkamini allappoq.