Folketingimut qinersineq

Nunatsinni qinersiviit unnugu arfineq pingasunut aatsaat matusussaagaluartut ’pissanganeq qaangiuttutut’ oqaatigineqarsinnaavoq, tassami taamaalinerani naalagaaffeqatigiinni qinersinerup inernera nalunarunnaarsimassammat.
Allattoq Elisa Isaksen
novembarip 13-at 2007 16:56

Anders Fogh Rasmussen Venstret Konservativillu ministeriunerutitaatut ingerlaannarsinnaassagunarpoq. Kisianni aatsaat Dansk Folkepartiimit aamma Ny Alliancemit tapersersorneqaruni. Venstret siulittaasuata tulliata, Lars Løkke Rasmussenip Danmarks Radiumut oqaatigaa, Dansk Folkepartiip amerlanerussuteqartitsinera toqqissisimanermik pilersitsisimasoq. Peqatigisaanik Danmarkimi naalakkersuisunngortut Dansk Folkeparti aamma Ny Alliance suleqatigalugit ingerlatsiniarnissaat pitsaaquteqartoq.

Nunatsinni unnuaru unnuap qeqqata missaani qinersinerup inernera nalunarunnaarumaartoq oqaatigineqarpoq.

Nunatsinni qinersineq suli naammassineqanngimmat qassit qinerseqataasimanersut oqaatigisinnaanngilarput. Taamaattorli qinersineq kingullermik folketingimut qinersinermit soqutigineqarnerusimagunarpoq.

Annerusumik paasisaqarusukkuit unnugu KNR TV-mi qinersineq malinnaaffigisinnaavat. Tassami unnugu nalunaaqutaq 21.25 kalaallisut qallunaatullu toqqaannartumik aallakaatitsisoqassammat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq