Folketingimut Naleqqamiit qinigassanngortittoq siulleq piareerpoq
Tassaavoq Inatsisartunut ilaasortaq Pele Broberg, Folketingimut qinersinissamut partii sinnerlugu qinigassanngortittoq.
Partii Naleraq tusagassiuutinut nalunaarummi allappoq, Folketingimi ilaatigut oqartussaaffinni Danmarkip nunatsinni suli tigummisaani pitsaanerusunik akissarsiaqarnissaq naligiissitaanissarlu sulissutiginiarlugit.
2018-imi Inatsisartunut qinersinermi Pele Broberg Partii Naleraq sinnerlugu malunnaateqarluartumik qinigassanngortippoq. Taamani 208-nik taasisoqarluni qinigaavoq.
Qinersinerup kinguninnguatigut naalakkersuisooqatigiinni Kim Kielsenip pilersitaani Pele Broberg atuuffik pisaaneqarluartoq, tassa Aningaasaqarnermut Naalakkersuisoq, tiguaa. Septembari 2018-imi naalakkersuisooqatigiit Naleqqap qimammagit atuuffik taanna annaavaa.