Folketingimut ilaasortat nunatta kitaanut tikeraartut
Politikerit angalaqatigiit arfineq-marluusut nunatta kitaata sineriaatigut sapaatit-akunnera ataaseq angalareerlutik maanna angerlamut aallarput.
Taamatut angalatitsisoqartarnera Folketingimit ileqqorineqarpoq. Kalaallit Nunaanni pissutsit pillugit aalajangiiniarnerminni sakkussaqarluarnissaat siunertaralugu politikerit ukiumoortumik paasisassarsiortillugit angalatinneqartarput.
Folketingimut ilaasortat angalanerminni Narsaq, Qaqortoq, Paamiut, Qeqertarsuatsiaat Nuullu tikerarpaat. Tikitaminnilu aalisakkerivimmut, nunalerinermik misileraavimmut, erngup nukinganik nukissiorfimmut utoqqaallu illuannut pulaartinneqarput kiisalu aamma najukkami politikerinik naapitaqarlutik, Sakkutuut imarsiortut taama ilisimatitsipput.
Angalaneq umiarsuarmik alapernaarsuummik Ejnar Mikkelsenimik ingerlanneqarpoq.
Angalaqataasut tassaapput Annette Vilhemsen (SF), Anna Sina (S), Rasmus Horn Langhoff (S), Alex Ahrendtsen (DF), Jakob Ellemann-Jensen (V), Christian Friis Bach (R) aamma Frank Aaen (EL), aammattaaq Rigsombudeqarfimmi, Forsvarskommandomi Folketingimilu sulinisunik angalaqataasoqarpoq.
