Savalimmiut Folketingimut ilaasortaatitaqarneq Lagtingip siulittaasuata atorunnaarsikkusukkaa
Taama isumaqarpoq Savalimmiuni inatsisartuni Lagtingemi siulittaasoq Páll á Reynatúgvu, Republikaanerineersoq, aviisi Sermitsiaq.ag taama allaaserisaqarpoq.
Taamaattumik Reynatúgvu aalajangigassatut siunnersuummik Savalimmiuni inatisartunut Lagtingemut saqqummiussivoq, Savalimmiormiut folketingemi ilaasortaatitasa marluk atorunnaarsinneqarnissaannik, tunngaviusumik inatsit innersuussutigalugu.
Tunngaviusumik inatsimmi allassimavoq, Savalimmiormiut kalaallilllu Folketingemut ilaasortaatitaat
immikkut ittumik atuutilernerat aamma atorunnaarsinneqarnerat malittarisassiorneqarsinnaasut.
Páll á Reynatúgvumi isumaqarpoq, Savalimmiormiut folketingemi marlunnik ilaasortaatitaqarnerat pisariaaruttoq, taassumalu eqqumiigaa, savalimmiormiut ilaasortaatitaasa kina Danmarkimi ministeriuninngussanersoq aalajangiisuusinnaammata.
- Tamanna uniuulluinnarpoq, rigsombudsmandip kina Savalimmiuni naalakkersuisuni ilaasortaassanersoq imaluunniit inatsiseqarneq qanoq innersoq aalajangernissaannut periarfissaqarsimasuuppata akuerisimanavianngikkaluarparput, Páll á Reynatúgvu Savalimmiuni inatsisartuni Lagtingemi aalajangigassatut siunnersuutaani taama oqaasertaqartoq, aviisi Sermitsiaq.AG taama allaaserisaqarpoq.
