Assit Folketingimi ukioq nutaaq aallartittoq
Folketingimi sivisunerpaamik ilaasortaasimasup, Berthel Haarderip (V) marlunngornermi danskit nalunaaqutaat naapertorlugu nalunaaqutaq ullup qeqqanut sianeq sianertippaa, taamaalillunilu Folketingip ukiua aggersoq pisortatigoortumik ammarneqarluni.
Tamatuma kingorna, Pia Kjærsgaard, Dansk Folkepartineersoq Folketingimilu siulittaasutut qinerneqaqqippoq, ilaatigut attaviitsumit, Aleqa Hammondimit taperserneqarluni.
Ministeriunerup Lars Løkke Rasmussenip oqalugiarnermini naalakkersuisut ukiumut pilersaarutaat oqalugiaammini ilannguppaa. Oqalugiarnermini ilaatigut nunarput Savalimmiullu suleqataalluarnerannut qujassuteqarfigai nunallu taakku tunngaviusumik inatsit pillugu suliaqarnerannik ataqqinninnerminik erseqqissaalluni.
Folketingip ataatsimiittarfianni tulliani sisamanngorpat ataatsimiittoqassaaq tassanilu ileqquusumik oqallittoqassalluni.
