Folketingimi siulittaasunngortussaq isumaqatigiissutigaat

Danmarkimi aningaasaqarnermut ministeri Thor Pedersen Venstreneersoq, Folketingimi siulittaasunngortussanngortoq Danmarks Radiup nutaarsiassaqartitsivia nalunaarpoq.
Allattoq Elisa Isaksen
novembarip 16-at 2007 17:11

Partiit Venstre, Konservative, Dansk Folkeparti aamma Ny Alliance ullumi isumaqatigiillutik Thor Pedersenip folketingimi siulittaasunngornissaa innersuussutiginiaritsik Venstret gruppeanni siulittaasup Hans Christian Schmidtip uppernarsarpaa.

Venstrenut siulittaasup tullia Lars Løkke Rasmussen aningaasaqarnermut ministerinngussagunartoq nutaarsiassaqartitsiviit arlallit ilisimatitsipput.

Lars Løkke Venstret Konservativillu 2001-imi naalakkersuisunngortitsimmatali peqqissutsimut aamma naalagaaffimmi pissutsinut ministeriuvoq.